मुक्ताईनगरमध्ये उद्या रंगणार ‘खाटू शाम संकीर्तन व भजन संध्या’; भाविकांची उत्सुकता शिगेला
मुक्ताईनगर येथील भक्तीमय वातावरणात आणखी भर टाकण्यासाठी खाटू शाम भक्त परिवाराच्या वतीने, उद्या रविवार दिनांक 3 मे 2026 रोजी सायं 7 वाजता भव्य ‘जय श्रीशाम संकीर्तन व भजन संध्या’ कार्यक्रमाचे आयोजन करण्यात आले आहे. संताजी नगर भागातील डॉ. जगदीश पाटील हॉस्पिटलजवळ हा सोहळा पार पडणार असून, परिसरातील भाविकांमध्ये या कार्यक्रमाबाबत मोठे कुतूहल निर्माण झाले आहे.
आयोजकांतर्फे देण्यात आलेल्या माहितीनुसार, भक्ती आणि शक्तीचा संगम साधणाऱ्या या कार्यक्रमात नामवंत भजनी मंडळांकडून श्रीराम संकीर्तन सादर केले जाणार आहे. मुक्ताईनगरमधील संताजी नगर परिसरात होणाऱ्या या आध्यात्मिक सोहळ्याची जय्यत तयारी सुरू आहे.
या भजन संध्येच्या निमित्ताने जास्तीत जास्त भाविकांनी या मंगलमय सोहळ्याला उपस्थित राहून दर्शनाचा व श्रवणाचा लाभ घ्यावा, असे आवाहन आयोजकांतर्फे करण्यात आले आहे.
