बोदवडमध्ये पाईपलाईन फुटल्याने पाणीपुरवठा विस्कळीत; नगराध्यक्षांच्या तत्परतेमुळे युद्धपातळीवर दुरुस्ती सुरू
बोदवड: शहरात आज शनिवारी सकाळी पाणीपुरवठा होणार होता, मात्र हिंगणा फाट्याजवळ मुख्य पाईपलाईन फुटल्याने पाणीपुरवठा तात्पुरता खंडित झाला. या घटनेची माहिती मिळताच प्रशासनाने तातडीने पावले उचलली आहेत.
लोकप्रतिनिधी थेट घटनास्थळी
पाईपलाईन फुटल्याची माहिती मिळताच नगराध्यक्ष पती दिनेश माळी आणि नगरसेविका पुत्र तथा हर्षल बडगुजर यांनी क्षणाचाही विलंब न करता थेट हिंगणा फाट्यावरील घटनास्थळ गाठले. नागरिकांची गैरसोय होऊ नये यासाठी त्यांनी स्वतः उपस्थित राहून लिकेज दुरुस्तीचे काम युद्धपातळीवर सुरू करून घेतले आहे.
संध्याकाळपर्यंत पाणीपुरवठा सुरळीत होणार
”पाईपलाईन दुरुस्तीचे काम वेगाने सुरू असून, आज शनिवारी संध्याकाळी ५ वाजेपर्यंत बोदवड शहरातील पाणीपुरवठा पूर्णपणे सुरळीत होईल.”
— मीराताई माळी, नगराध्यक्षा, बोदवड
